'Hringnun Hling' tlangzarh a ni ta

Mizo film khawvela tawnhriat ngah tak Hmingthangvunga produce leh direct, 'Hringnun Hling' tih chu September 4, Zirtawpni zan khan Chanmari YMA Hall-ah Rajya Sabha MP K Laltluangkima'n a tlangzarh.

Hringnun kawng chhukchho tarlanna tur 'Hringnun Hling' tih hi OTP platform Lersia Play leh Runmawi App-ahte en theih nghal a ni. Hmingthangvunga hian kum 1998 khan a film hmasa ber 'Eng Dang Vang a ni lo' tih a tichhuak a, 'Hringnun Hling' hi film 14 a siamna a ni.