Kum 13 hnuah 'Tokyo Anime Award Festival' titawp

Khawvel huapa animation ngainatute pual leh Japan-a anime kutpui langsar ber pawl, 'Tokyo Anime Award Festival (TAAF)' chu kum 13 chhung hlawhtling taka buatsaih a nih hnuah tihtawp a ni ta. TAAF 2026 online competition screening September 4-a neih zawh tak nen kalkawpin festival kharna neih rual hian tihtawp a nih thu an puang a ni.

TAAF hi kum 2014 aṭang khan Executive Committee, Association of Japanese Animations leh Tokyo Metropolitan Government te thawh honain buatsaih a ni. Animation industry tihmasawn leh talent thar zawn chhuahna tura tih a ni a, khawvel hmun hrang hrang aṭanga anime ṭha tak tak lakhawmin an lo tilar ṭhin a ni.

Festival hian award chi hrang hrang Competition Category, Anime of the Year leh Achievement Award te a lo buatsaih ṭhin bawk. TAAF official social media account leh YouTube channel-te hi September 30 hian tihtawp vek a ni tawh ang.