Van Halen drummer Alex Van Halen 'Knighthood' hlan a ni

American Rock band, kum 1972-a din, Van Halen drummer leh band co-founder ni bawk Alex Van Halen chu an ram Netherland-ah 'Knighthood' chawimawina chu Thawhlehni khan hlan a ni. Alex hi a pianna ram Netherland chuan rimawi huanga khawvel hmun hrang hranga a thawh hlawkna hriatrengna turin he chawimawina hi a hlan a ni.

He Knighthood chawimawina a dawn hi an ram Netherland-a civil mi, mimal chawimawina sang ber niin, vantlang tana thil ropui tak titute hnena hlan ṭhin a ni. Kum 73 mi Alex hi Bechmanianum ceremony-ah 'Knight in the Order of the Netherlands Lion' (Ridder in de Orde van de Nederlandse Leeuw) hi hlan niin, chawimawina hlantu an ram mayor Hubert Bruls chuan rock music chanchina chanchin hriatreng tawh tur a nih thu a sawi.

Alex pawhin a chawimawina dawn hi lawm taka pawmin, a unaupa leh an band dintu zinga mi ni bawk leh band lead guitarist, keyboardist, backing vocalist, leh primary songwriter ni bawk fam ta Eddie Van Halen-a hriatrengna atan a hlan zui a ni. He chawimawina hi a rimawi zin kawng mai bakah khawvel ṭhalaite tam tak tana sulhnu ropui tak a hnutchhiah tilangtu pawimawh tak a ni tel bawk.