State AG tech lawsuit-ah Meta-in USD tld 18 sengin inremna siam

US State Attorney General hrang hrangten naupangte laka social media addiction thlentu tia Meta an khinaah inremna an siam a, Meta hian kum 10 chhungin USD tld 18 chu naupang leh ṭhalaite social media lama an himna siamṭhatna atana a hmang dawn.

Sate 29 attorney general California Bonta kaihhruaina hnuaiah naupang leh ṭhalai tana a him tawk lohna awm avangin Meta hi khinna niin, hetih laiin Meta lam erawh chuan an puhnate hi an pha a ni. Meta lam hian anmahni khingtute hi inremna an siam pui thei ta thung a ni.

Meta hian an puhnate hi pawm lo mah se, ṭhalaite hriselna leh dinhmun ṭha zawk siam an duh vanga inremna hi pawm ta zawk an nih thu an sawi. He sum tlingkhawm hi ṭhalaite rilru hriselna leh social media hman dan ṭha zawk inzirtirna atante hman a ni bawk ang. Meta pawisa chawi aṭanga 70% hi anmahni khingtu state lamin an insem ve dawn bawk.