Beyoncé-in Colombia lirnghing tuarte tan USD mtd 1 pe dawn

Rimawi khawvela hmingthang leh pop queen tia hriat lar Beyoncé Knowles-Carter chuan tun hnaia Colombia ram chhunga lirnghing rapthlak tak tuartute chhawmdawlna leh ṭanpuina turin USD 1,000,000 a thawh dawn thu a puang.

A charity pawl 'BeyGOOD' hmangin tualchhung ṭanpui dan tur ruahmanna an nei ṭan tawh a ni. Lirnghing hian in leh lo tam tak a tichhia a, mi tam takin ṭanpuina an mamawh takzet a; ei leh in, hriselna lam ṭanpuina leh riahna tur hmun sak buaipui turin a sum thawh hian kawng hrang hrangin a pui dawn a ni.

Beyoncé hian a thil ṭha tih vawi khatna chauh a ni loa, a hmain a nihna leh a hausakna hmang ṭangkaiin khawvel hmun hrang hranga harsatna tawkte a lo chhawmdawl tawh ṭhin a ni. Beyoncé hma hian Colombian singer Shakira pawhin lirnghing tuarte puihna tur sum hi a lo pe ve tawh bawk.