Snoop Dogg biopic-ah Camron Jones-a'n Tupac Shakur lem chang dawn

Universal buatsaih Snoop Dogg biopic, 'Snoop' ah actor Camron Jones chuan Tupac Shakur lem a chang dawn tih puan a ni a, Lauren London chuan Snoop-a nu Beverly Tate lem a chang bawk dawn. Tun hnai khan Jonathan Daviss chuan rap legend Snoop Dogg lem a chang dawn tih puan a lo ni tawh bawk. Myles Bullock chu Dr. Dre lemah a chang bawk dawn a ni.

Biopic hi Craig Brewer chuan a direct dawn a, Universal chuan nakkum August 6 hian tlangzarh turin a ruahman. Project hi Snoop Dogg chuan Imagine Entertainment-a Brian Grazer leh Allan Mandelbaum bakah, Death Row Pictures president Sara Ramaker-te nen an produce dawn a ni. Brewer chuan Joe Robert Cole-a original script ziah ṭhat leh hmangin a direct dawn a ni. 'Snoop' hi Death Row Pictures hnuaia project hmasa ber niin, NBCUniversal Entertainment & Studios nen an thawk dun bawk.