CORTIS hla 'What You Want' in Spotify-ah stream mtd 100 nei tling

South Korean boy band CORTIS debut hla, 'What You Want' chuan August 24 thleng khan Spotify-ah stream mtd 100 a nei tling ta. He hla hi nikum August 18 khan tlangzarh a ni a, Spotify-ah hian an hla dang 'GO', 'FaSHioN' leh 'REDRED' te cuan stream mtd 100 an nei tling tawh bawk a ni.

CORTIS hian mini album pahnih an tichhuak tawh a, hemi hmang hian hlawhtlinna ropui tak an nei bawk. August 29-a Billboard chart tihchhuahah, an mini album pahnihna, 'GREENGREEN' tih chu Billboard 200-ah 155-naah langin, kar 15 a zawnin chart-ah an lang tawh a ni. Hei bakah World Album chart-ah pahnihna niin, Top Album Sales chart-ah 12-na an ni a, an mini album hmasa zawk 'COLOR OUTSIDE THE LINES' tih chu World Album chart-ah paruknaah an lanpui bawk.

An mini album pahnihna title track, 'REDRED' tih chu Global 200-ah 138-na niin, Global chart-ah 74 naah an lanpui. An group hlawhtlinna tibelhchhah turin Artist 100 chart-ah 90-na an ni bawk. Kumin August 24 khan 'GREENGREEN_playextended' bakah hla thar pahnih an tichhuak leh bawk a ni.