Nike leh One Piece thawk dunin 'Devil Fruit' Air Max Plus tlangzarh dawn

Khawvel huapa ṭhalaite ngainat sports brand lar, Nike leh Japanese manga/anime lar Eiichiro Oda kutchhuak 'One Piece' te chuan thawh dunna thar siamin, 'Devil Fruit' theme hmanga chei Air Max Plus pheikhawk leh thawmhnaw chi hrang hrangte chu kumin September thla aṭanga zawrh chhuah ṭan an tum thu an puang.

Tarlan danin pheikhawk hi chi thum, Luffy, Ace, leh Law te devil fruit–Gomu Gomu no Mi , Mera Mera no Mi, leh Ope Ope no Mi design-te a ni ang. Gomu Gomu Air Max Plus hi September 25 aṭangin US, Japan leh Europe ramah SNKRS app hmanga pre-order theih a ni ang. Ope Ope model erawh September 19-ah dawr ṭhenkhatah tlangzarh a ni dawn a, Mera Mera model hi Japan, Korea, China, Taiwan, Indonesia leh Mexico-ah September 12 aṭangin a lei theih ang.

Pheikhawk bakah hian One Piece a 'Jolly Roger' leh Devil Fruit thlalak chuang jersey, T-shirt, vest leh lukhum te pawh tlangzarh tel a ni dawn a ni. Tokyo, Hong Kong, Seoul, London leh New York khawpui hrang hrangah September thla chhung hian Pop-up shop te hawn a ni ang a, September 29 aṭangin khawvel pumah zawrh zui a ni dawn bawk.