Laneway Festival 2027 neih hun tur chiang ta

Australia leh New Zealand ram chhunga rimawi kut ropui leh lian berte zinga mi 'Laneway Festival' kum 2027 a ni li chhung awh tur kut chu February-ah hman a nih tur thu puan a ni ta. Rimawi kut hi February 12 & 23 leh 19 & 21 -ahte hman a ni dawn.

Hun hman dan tur ruahmanah hian Laneway Festival 2027 hi Sydney khawpuia Centennial Park-ah February 12 (Zirtawpni)-ah ṭan a ni ang a, a tuk February 13 (Inrinni)-ah Brisbane Showgrounds-ah chhunzawm a ni ang. Kar khat hnu February 19-ah Melbourne khawpui pui ber Flemington Park-ah nei lehin, a tawp kharna atan February 21-ah New Zealand khawpui Auckland-a Western Springs-ah ropui takin a ṭiak tawh ang.

Kum 2027 aṭang hian buatsaihtute chuan festival hi huang zim zawka buatsaih an tum vangin hmun 4 chauh ah neih turin an ti a, Adelaide leh Perth khawpuiah hman a ni dawn lo a ni. He festival ah hian artist ṭha tak tak leh talent nei ṭhate an in lan dawn a, September thla tawp lamah inlan tur puan beisei a ni.