Sonic the Hedgehod-in Fortnite season thar 'Override' headline

Epic Games kutchhuak Fortnite season thar 'Override' ah Sonic the Hedgehog 35th anniversary pualin game-ah Sonic leh a ṭhiante character hman theih a ni. Hei mai bakah Fortnite hian in-game feature thar an kalpui, Battle Pass leite tana khelh theih turah Sonic hi unlock theih a ni dawn a, Chapter 7 Season 4 'Override' hi tlangzarh a ni tawh bawk.

Games-a Sonic lang tur hian Epic Games leh Sega te thawh dunna a ṭha a tilang a ni. Tun hmaa superhero leh film lar hrang hrang character Fortnite game-a an feature ṭhin tawh hnuah, tunah hian Blue Blur tiha hriat lar Sonic pawh a rawn inlan ve dawn ta a ni. Hei hi gaming ngainatute, a bikin Sonic games ngainatute tan chuan thil lawmawm tak a tling.

Hei bakah 'Override' season hian classic video game mechanics hrang hrang Cheat Codes leh 1-Up token-te a keng tel dawn a, he thawh dunna hmang hian Tails Sprite, Rings leh Sonic Power Sneakers-te pawh Spin Dash hmangin player-te hian an hmang thei dawn a ni.