Rimawi chhuak thar fan-te duh ber ENHYPEN 'THE SIN: BLISS'

Billboard-in kar hmasa chhunga rimawi chhuak thar zinga fan-te duh ber thlanna poll a buatsaihah, K-Pop group thawm nei lian tak ENHYPEN mini-album thar, 'THE SIN: BLISS' chu duhtu ngah ber niin poll-ah a chungnung fal hle. Kar hmasa chhung khan artist hrawl tak tak Sam Smith, Weezer, leh Stella Lefty-te pawhin hla thar tichhuak ve mah se ENHYPEN an tluk zo lo.

Poll buatsaihah hian ENHYPEN 'THE SIN: BLISS' chuan vote tla zawng zawng aṭangin vote 72.87% hmu phakin a sang filawr lak a ni. Hla tichhuak thar artist dangte nen an inthlau hle a, No.1 hnaih bertu hi hla dah chhuah zinga duh nei lote vote ṭhin Other niin vote 11.63% a hmu phak a artist tam zawkin an tluk lo. Pathumnaah Sam Smith hla thar 'Hazel eyes' chu vote 6.59% hmuin a lang a ni.