'Naruto' movie-ah Charles Melton

American actor Charles Melton chu Destin Daniel Cretton-a ziah leh direct, 'Naruto' live-action movie-a Kakashi Hatake lem chang tura biak mek a ni. He thu hi kar liam taa D23 convention-ah Melton hi 'X-Men' a chang tura puan a nih rualin puan nghal a ni. 'Naruto' live-action-a chang tur zawnna hi thla hmasa khan neih ṭan a ni.

Melton hi tun hnai khan Netflix dark comedy series, 'Beef' season 2-a a chan hmangin Emmy award-ah nominate a ni. American psychological black comedy drama film, 'May December' a chan hmangin fak a hlawh hle a, 'Her Private Hell', 'Warfare' leh 'Riverdale' a chan hmanga hriat lar a ni bawk.

'Naruto' live-action hi Avi Arad, Ari Arad leh Emmy Yu bakah Jeremy Latcham-te chuan Arad Productions kaltlangin an produce dawn a, Cretton Jeyun Munford nen a company, Hisako kaltlangin an produce bawk dawn a ni. Kum 2014 khan 'Naruto' movie hi siam tum a lo ni tawh a, hemi ṭum hian Michael Gracey chu director atan ruat a ni.