FAFO 26 Finalist a hriat ta; Harry Styles nge SB19 fan chak zawk ang!

Billboard buatsaih Fan Army Face Off 2026 pawh a hmawr bawk a hnai ta. Thawhṭanni zan khan Semifinal result puan niin, artist pali Benson Boone, Bruno Mars, Harry Styles leh SB19 te aṭangin Harry Styles leh K-Pop group SB19-te chu final a inhmachhawn tur an ni dawn ta a ni. SB19 fan A'TIN-te hian FAFO 2025-ah khan vote 60% hmuin winner an lo ni tawh bawk.

Kumin FAFO-ah hian kum dang ang bawkin khawvel hmun hrang hranga artist 64 aṭangin thlitfim niin July 15 aṭang khan fan-te inelna hi kalpui ṭan a ni. FAFO kalpui a nih hnuah hian vawi thum winner ni thei hi pahnih awmin, T-ARA fan Queens leh SB19 fan A'TIN te chiah an la awm. Kumin hian SB19-in final an luh leh tak avangin vawi li winner nih theihna chance an nei ṭha hle.

Final round vote result hi zanin hian puan a ni dawn a, Harry Styles nge SB19 in thlawptu nei ṭha kan hre thei thuai dawn e.