'North East Star' Talent Hunt buatsaih dawn

Toyota Kirloskar Motor (TKM) chuan India hmarchhak bial tan rimawi huanga talent nei ṭhate zawn chhuahna tur, 'North East Star' talent hunt a buatsaih dawn. Hetiang programme hi hmarchhak bial huapa buatsaih a nihna hmasa ber tur a ni.

'North East Star' inelna hi August 28 aṭanga September 27, 2026 thleng neih a ni dawn a; kum 18- 35 inkar, zaithiam, rimawi tum thiam, band, choir, mal zai leh group-a perform ṭhinte tan tel theih a ni. Online registration hi August 16 khan ṭan niin August 22 thleng inziah luh theih a la ni. Hmarchhak state pariata Toyota dealership-ah state-level live audition neih a ni dawn a, September 27-ah Guwahati-ah Grand Finale neih a ni ang.

State tin aṭangin a thiam thlan chhuah mi 20 chu state-level audition-ah an tling ang. Heta ṭang hian mi pahnih thlan chhuah leh niin, Guwahati-a Grand Finale-ah finalist 16-te an inel dawn a ni.

Pakhatnain lawm-manah pawisa fai Rs 1,00,000 a dawng dawn a, pahnihnain Rs 50,000 leh pathumnain Rs 30,000 an dawng dawn.Top 3 tling pha lo finalist dangte hnenah consolation prize Rs 10,000 ṭheuh pek an ni bawk ang.