BIGBANG-in hla thar tichhuak

South Korean boyband chuai thei lo BIGBANG chuan, an band kum 20 tlin pualin hla thar 'BiiiG' an tichhuak. Khawvel puma an fan-te chuan 'K-pop legend' ten hla thar an tichhuak chu an ngaihven nghal hle. Band leader G-Dragon chu he hla phuahtu zingah a tel.

He hla thar 'BiiiG' hian awmze thuk tak neiin, kum 2022 hnua kum li leh thla li vel hnuah hla thar an tihchhuah lehna a ni a, an debut kum 20 tlin lawmna puala an band-in bul an ṭan ṭhatna lehna a ni bawk. Member-te hi he project buaipuitu an ni a, track siam bakah visual directing leh marketing thlengin an buaipui a ni.

BIGBANG hian an band kum 20 tlin pualin 'BIGBANG 2026-2027 WORLD TOUR XX : COSMOS' an nei dawn a, August 21, 22 leh 23 hian Goyang-ah khuh hawn a ni ang. Hemi hnuah khawvel hmun hrang hrang 33-ah an perform dawn a, chung zingah chuan North America, Europe, Oceania leh Asia-te an tel. Tour hi an neih belh dawn nia sawi a ni bawk.