'The Sims 4' ah 'Clueless' leh 'Mean Girls' fashion kit lei theih dawn

Simulation video games 'The Sims 4' player-te tan thu lawmawm tihchhuah a ni. Video game-ah hian American teen comedy film, 'Mean Girls' leh, American coming-of-age teen comedy film 'Clueless' a an fashion kit-te chu lei theihin chhawp chhuah a ni dawn. He game upgrade-tu player-te chuan kum 1990 bawr chho leh kum 2000 tir lama thawmhnaw inbel ṭhinte chu an lei thei dawn a ni.

August 27 aṭang hian 'Mean Girls' a an thawmhnaw inbel, miniskirt-te leh sweater bakah velour track suit-te a lei theih dawn a, hei bakah film-a scene ngaihven hlawh, the jingle bell performance leh Mathletes team jacket-te pawh a lei theih dawn a ni. 'Clueless' Capsule Kit-ah hian yellow-plaid set, top, button front skirt leh workout wear-te a lei theih bawk ang.