MTV VMA 26-ah 'Queen of Pop' Madonna-i'n nomination hmu tam ber

Rimawi huanga chawimawina ngaihhlut hlawh MTV Video Music Awards nomination chu Thawhlehni zing khan puan niin, album thar 'Confession II' hmanga rawn come back Madonna chuan nominnation hmu tam berin category 11-ah a hmu a, a a la chuailo e. Ani bakah tunlai ṭhangtharte ngaihsan em em Taylor Swift chuan nomination pakua hmuin hmu tam pahnihna a ni ve bawk.

Kumin MTV VMA-ah hian nomination hmu tam zingah Ariana Grande leh Sabrina Carpenter-te an tel a, an pahnih hian category pasarihah nomination an hmu ve ve. Anni bakah Bruno Mars, Zara Larsson leh PinkPantheress te chuan nomination panga ṭheuh an hmu bawk a; BLACKPINK member Lisa in nomination pali hmuin, Tate Mcrae leh Shakira pawhin pathum ve ve an hmu.

MTV VMA hi kum kaw chhunga a vawi khatna turin kumin September 27 khian Peacock Theater Los Angeles-ah nghah a ni dawn. Fan voting pawh category 13-ah kalpui a ni leh dawn a,Spetember 25 thleng fan-te tan vote thlak theih a ni ang. Fan vote theih category zingah 'Best New Artist' erawh Live telecast thleng vote thlak theih a ni dawn a ni.