Jonas Brothers-in North American tour neih hun tur puang

American pop rock band Jonas Brothers chuan North American tour neih hun tur an puang a, khaw 45-ah neih tur niin 'Burning Up Tour All Over Again' chhunzawmna tur a ni. Tour-ah hian Magnus Ferrell, Franklin Jonas leh All Time Low-te chu special guest an ni dawn a ni.

Tour hi Live Nation buatsaih a ni a, September 25 hian Boston-a TD Garden-ah khuh hawn a ni ang. Hemi hnuah Toronto, Washington, D.C., Miami, Los Angeles, Seattle, Denver leh hmun dang eng emaw zatah an perform dawn a, December 21-ah Newark-a Prudential Center-ah a tawp khar a ni ang. Jonas Brothers chuan tour an neih hnuhnung ber chu anmahni leh an fan-te tan hun chhinchhiahtlak a nih thu sawiin, mipui lam aṭanga ngaihhlutna nasa tak an dawn avangin tour hi an chhunzawm dawn tih an sawi bawk. An band hi Pathianni liam ta khan D23-ah Disney Legends huangah lak luh an ni.