Lirnghing vanga sikul chhia thawm ṭhatnan Shakira-i'n USD mtd 1.25 thawh tiam

Colombian super star Shakira chuan tun hnaia Colombia rama lirnghing na tak thlenna hmun a tlawh hnuah, lirnghing avanga sikul chhiate thawm ṭhatna turin USD mtd 1.25 a thawh dawn tih a puang. Shakira sum thawh tur hi Global Citizen, Live Nation leh CAF ṭangkawpa hmalakna niin fund hi Shakira din Pies Descalzos (Barefoot Foundation) kaltlanga pek tur a ni.

Lirnghing tuarte chhawmdawlna tur sum hi pawl hrang hrang aṭanga tlingkhawm niin, Shakira leh Live Nations bakah Fifa Global Citizen Education Fund in USD 500,000 ṭheuh thawhin CAF-in USD 250,000 te an thawh. Sum tling khawm zawng zawng hi Shakira din foundation kaltlang hian pek chhuah a ni ang. Shakira foundation hian Chocó-a sikul 10 sakna tur an tum dawn bawk

Kum 1997-a Shakira-in a din, 'Pies Descalzos' kaltlang hian Colombia leh Latin America-a hmun harsa zawka cheng naupang sang tam takte zirna in ṭha leh ei leh bar turte ngaihtuahsak a lo ni tawh a ni.