Limp Bizkit-in Australia's Good Things Festival headline dawn

Australia-a heavy leh alternative music festival lian ber pawl 'Good Things Festival 2026' hman tura lineup chu nimin khan puan chhuah a ni a; kumin festival-a band tarlan langsar ber 'headliner' tur atan 1990 rimawi khawvela nu-metal tilar zualtu tih theih, Limp Bizkit-te chu hmunlaili lai chang turin an rawn kir leh dawn.

He festival hi kumin December ni 4 hian Flemington Racecourse, Melbourne-ah ṭan a ni ang a; December ni 5-ah Sydney Showground-ah leh December ni 6-ah Brisbane Showgrounds-ah te show neih zui a ni dawn a ni. Fred Durst-a band Limp Bizkit-te hi kum 2023 festival-ah pawh khan lo perform tawhin, concert show ticket an lo hralh zo hneh hle tawh a ni a, kumin hian ṭhalai rimawi ngainatute phurna thar an rawn thlen leh ngei a rinawm.

Kumin lineup-ah hian Limp Bizkit bakah pop-punk band lar Simple Plan, Spiritbox, Polaris, The All-American Rejects, Bad Religion, Alexisonfire leh band dang 30 chuang zet an inlan dawn a ni. Thalai rock, punk leh metal rimawi duh tute tan chuan he festival hi kumin December thla chhunga nghahhlelhawm tak leh rimawi ruai pui tak tur a tling ngei ang.