Changbin-a'n Samsung Seoul Hospital ṭanpuina hlan

South Korean boy band Stray Kids member, Changbin chuan a piancham August 11 khan Samsung Seoul Hospital tan won mtd 100 (USD mtd 83,000) a hlan. He ṭanpuina sum hi naupang damlote leh hriselna lama harsatna tawkte bakah an chhungte puihbawmna atan hman a ni dawn.

He ṭanpuina sum aṭanga won mtd 50 chu pediatric treatment atan hman a ni dawn a, won mtd 50 chu damlo chhungte puihbawmna atan hman a ni dawn a ni. Changbin chuan damlote ṭanpuina a pe thei chu a fan-ten an thlawp vang a nih thu sawiin, hun harsa tak paltlang mekten beiseina an neih a beisei thu a sawi. A piancham chu midangte thilpek pekna hun remchang atan hmangin, Changbin chuan kumin hian thilpek huang zauhin, rilru hriselna lam pawh a huam tel a ni.

He fund hmang hian naupang damlo enkawl mekte sum lama an harsatna tihziaawmna turin a pui dawn a, an chhungte tan hahdamna a thlen dawn bawk a ni. Changbin thil phalna hian K-pop idol-te chu an career piah lamah midang ṭanpuina kawnga an theihna a pholang a, fan-te leh mipuite chuan midang ṭanpui duhna rilru an put phah thei bawk.