China box office No.1 ah 'Spider-Man: Brand New Day'

China box office chart tharah, Sony blockbuster 'Spider-Man: Brand New Day' chuan No. 1 dinhmun a la luah. Kar hmasa chhung khan RMB mtd 196.6 (USD mtd 28.8) a lak luh belh a ni. Film hian July 29-a tihchhuah a nih aṭangin USD mtd 185.4 a la lut tling tawh.

Pahnihnaah Pearl Studio kutchhuak animated fantasy feature, 'All Wishes Come True!' awmin, tihchhuah a nih aṭanga a kar linaah USD mtd 20.4 a la lut tawh a ni. Film hi Mu Zhengyang direct a ni a, July 18-a tihchhuah a nih aṭangin USD mtd 210.6 a la lut tawh a ni. Dirty Monkey leh Damai Entertainment siam, 'Once Upon a Time in the Middle East' chu pathumnaah awmin, USD mtd 15 a la lut a ni.

Animated fantasy 'To Your Island' chu palinaah awmin, USD mtd 7.9 a la lut tawh bawk. Panganaah Universal kutchhuak, 'The Odyssey' awmin, kar hmasa chhung khan USD mtd 6.9 a lak luh belh a, sum a lak luh tawh zawng zawng chu USD mtd 7.6 a tling.