Sophia-i'n band chawlhsan rih dawn

Global girl group Katseye member, Sophia chuan a rilru lam leh taksa hriselna ṭhat tawk loh avangin, group anga chet chhuahna tur hrang hrang aṭangin a chawl lailawk dawn tih a puang. He thu hi Weverse-ah tarlangin, a member puite pawhin thlawpna ṭha tak an pe a ni.

Thuchhuahah hian medical professional-te chuan a dam chian hma chu chawl rih tura an tih thu tarlan a ni bawk. Sophia chuan a member puite nena perform zel chu duh mah se, a hriselna chu ngaih pawimawh hmasak a ni tih an tarlang. Sophia pawhin post hran a siamah, group a chawlhsan lailawk tur chu pawi a tih thu leh, stage-a perform chu nuam a tih ber thu a sawi. He thutlukna hi siam harsa mah se, a hriselna dah pawimawh hmasak a ṭul tih a tarlang bawk.

Sophia hi Los Angeles-a Nilainia 'Katseye:Wild Hearts' documentary premiere naah pawh a inlan tawh lo a ni. Katseye hian August 13 hian an EP thar 'Wild' tih tlangzarh turin an inbuatsaih mek a, kumin favangah tour an nei bawk ang.