Rimawi chhuak thar fan-te duh ber STRAY KIDS 'This & That'

Billboard-in rimawi chhuak thar zinga fan-te tana duhber thlanna poll a buatsaih ṭhinah, karhmasa chhunga rimawi chhuak thar zinga fan-te duhber thlannaah STRAY KIDS hla thar 'This & That' chu fan-te duhber atana vote hmu sang ber a rawn ni thei nghal. Karhmasa chhung khan Sam Smith, Madonna, Karol G leh Alex Warren ten hla tichhuak ve bawk mahse STRAY KIDS an tluk zo ta lo.

STRAY KIDS hla thar 'This & That' hian poll a vote tla zawng zawng aṭangin 85.25% hmu phakin vote an hmu sang fal nalh thei a ni. An mahni hnaih bertu pahnihna a awm Karol G "No Me Arrepiento de Sentir Tanto' chuan 4.86% chauh a hmu phak a, kumin poll neih tawha No.1 leh 2 vote percentage la inthlau ber ṭum a ni phak a ni.

Hetih laiin Madonna leh Kylie Minogue-te thawh dunna 'Love Sensation' remix chu palinaah awmin vote 1.77% chauh a hmu phakin, poll a dah chhuah zinga duh nei lote vote ṭhin 'Others' chu pathumnaah awmin vote 4.46% a hmu phak ve bawk.