Trump TikTok video aṭangin Taylor Swift hla paih chhuak

U.S. president Donald Trump TikTok campaign account-a ni li liam taa video an post-a Taylor Swift hla, 'August' an hman chu paih chhuah a ni. He video-ah hian Donald leh Melania Trump-te chu balcony-a halmawi hal an en lai pholan a ni a, caption-ah Swift hla an hman avanga a lawm an rin thu tarlan a ni bawk.

Fan-te chuan Zirtawpni khan he hla hi Trump TikTok video aṭanga paih chhuah a ni tih an hriat hnuah, TikTok app U.S. version chuan he hla copyright owner-in an rama hman theih loh turin a siam a ni tih an tarlang. TeamTrump TikTok account hi kum 2024-a U.S. President inthlan campaign a nih laia siam a ni a, follower mtd 14 a nei. Term hnihna atana President atana thlan tlin a nih aṭangin video la post chhoh zel a ni. Nikum November thlaa he account-a video an post pakhata Swift hla, 'Father Figure' tih pawh paih chhuah a lo ni tawh bawk a ni.