Mattel-in Whitney Houston barbie siam tlangzarh

Pop Icon fam ta, Whitney Houston chu a thih hnuah Barbieland lamah lam thai a chhunzawm thei dawn e! He thil a thlen theihna tur hian Mattel chuan Houston-i chawimawina atan ama pual barbie an siamsak a ni. Houston barbie version hi USD 60 man tur niin, Inrinni liam ta August 8 khan tlangzarh a ni a, Target store bakah online lam Amazon, Walmart, Target leh Mattel Creations-ahte lei theiha chhawp chhuah nghal a ni bawk.

Houston signature barbie hi kum 1987 a a hla hit “I Wanna Dance With Somebody (Who Loves Me)” music video-a a thawmhnaw hak purple tank dress mawi tak mai kha hak tir niin, bengbeh leh a mit vel makeup mawi taka chei ang thlap khan siam a ni. Hei bakah zai mai thei reng ni awm takin microphone leh a stand a chhawm tel nghal nghe nghe.

Hmalakna a hlawhtlin theihnan hian Mattel leh Houston’s estate hi thawk dunin, Whitney E. Houston Legacy Foundation chuan kawng hrang hrangah company nen hian hma an lak bakah Houston signature glam hrang hrangte uluk taka khaikhin vek a ni bawk.