Cosmopolitan BeautyAwards-ah Lawm from the hills-in lawmman pahnih la

Mizoram ngeia siam skincare brand - Lawm from the hills chuan kumtina sem ṭhin, Cosmopolitan India Readers’ Choice Beauty Awards-ah category pahnih - 'Best face oil' leh 'Best Sunscreen' ahte lawmman an dawng. Mizo zingah he lawmman dawng thei hmasa ber an ni bawk.

Cosmopolitan Beauty Awards-ah hian khawvel huapa skincare brand lar tak tak; Caudalie, Laneige leh brand dang eng emaw zat nen lawmman dawng thei tur zingah hian an lang ho a ni.

'Best face oil' lawmman an dawnna product, Glow drops hi Mizoram aṭanga thar chhuah Walnut oil, Sacha inchi oil leh Perilla seed oil hmanga siam a ni. 'Best sunscreen' lawmman an dawnna Sunshield-ah hian an hmanrua hman ber chu Bamboo water niin, hei pawh hi Mizoram aṭanga thar chhuah a ni bawk.

Lawm from the hills hi kum 2021 khan Puipuii Hmar in a din a ni a, Mizoram aṭanga thar chhuah ngei hmangin Mizoram boruak leh Mizo-te vun mil tur uluk taka duangin, mipuite hman tlanglawn leh mamawh skincare an chhawpchhuak a ni.