Spotify-in premium subscriber mtd 300 nei tawh

Digital music service ṭhang duang ber pawl, Spotify chuan paid subscriber mtd 7 a neih belh hnuah, kumin April aṭanga June thla chhung khan premium subscriber mtd 300 a nei tling ta. Hemi hun chhung hian paid subscriber ni lo nen user mtd 777 a nei tling tawh bawk.

Company chuan an platform aṭang hian euro tld 4.78 a la lut tawh tih report in, kumina an sum lak luh hi 14% in a pung a ni. Operating income chu euro mtd 655 a ni a, gross margin pawh 33.4% ah a kaisang bawk. Subscription revenue pawh 15% ah pungin, euro tld 4.33 a la lut tawh a ni. Spotify chuan premium subscriber an pun nasat avangin he hmasawnna hi a nei tih a puang. Kumin quarter thumna, July, August leh September thla chhung hian euro tld 5.0 lak luh an beisei thu leh, operating income hi euro mtd 670 leh gross margin 32.9% a a pun beisei a ni bawk. Premium subscriber mtd 305-a an pun beisei a ni a, user mtd 788 an tlin rin a ni bawk a ni.