Linkin Park-in documentary tichhuak dawn

American rock band Linkin Park chuan Thawhlehni, August 4 khan documentary 'Unshatter' tih chu kumin September 30 hian khawvel pum theatre-ah an tlangzarh dawn tih an puang.

He documentary film-ah hian Linkin Park-i'n kum sarih rimawi an chawlhsan hnua an rawn kir leh dan chanchin tarlan a ni a, kum 2024-a an album 'From Zero' tih Brazil-a São Paulo-a an performance-te pawh dah tel a ni. Linkin Park hi kum zabi 21-naa rock band hlawhtling ber pawl an ni a, an album tam tak chu Billboard 200-ah No.1 nihpuiin, Billboard Hot 100-ah an hla eng emaw zat an lanpui bawk.

'Unshatter' documentary-ah hian behind-the-scenes footage, live performance, archival clip-te leh band member-te bakah fan-te interview na pawh tarlan a ni. Hei bakah kum 2017-a band vocalist Chester Bennington thih hnua band kal chhoh zel dan tarlan a ni bawk. Vocalist Emily Armstrong leh drummer Colin Brittain-te lak luh an nih dan chanchin pholan a ni bawk ang. Film hi theatre-a tlangzarh a nih hmain September 25-ah 'Unshatter Film Soundtrack (Live in São Paulo) tlangzarh a ni dawn a ni.