UFC-in 'Freedom 250' event aṭangin USD mtd 30 hloh

UFC leh White House thawh dunna kaltlanga ropui taka buatsaih 'UFC Freedom 250' event chuan beisei a phak lo a, UFC chuan USD mtd 30 vel a hloh tih Variety report chuan a tarlang. He event hi US president Donald Trump-a sorkar finchhuah a nih avangin mipui ngaihven a hlawh viau tura ngaih a ni a, mahse, a hmunhma buatsaihna senso a tam tham avangin sum hi an hloh nia ngaih a ni.

America independence vawi 250 puala he hun buatsaihnaah hian pay-per-view (PPV) hralhna lamah beisei a pha lo hle. Politics leh combat sports thlunzawm tumna hian ṭhalai leh sports ngainatute a hip zo tawk lo nia hriat a ni. A hmuna entu hi sawm bik, invite-only chauh niin ticket zawrh chhuah a nih loh bawk avangin beisei ang sum an hmu lo bawk tih TKO CFO Andrew Scheilmer chuan 'UFC Freedom 250' chungchang hi a sawi.

Sum tam tak hlohna hian a buatsaihtu leh sponsor-te thlengin nghawng lian tak a thlen a, ṭhalai entute pawhin sports thianghlim leh politics inthlunzawm tir tumna hi an hlimpui vak lo tih he event-in beisei a phak loh aṭang hian a langchiang hle nia ngaih a ni bawk.