Yash Raj Films in record lebel thar 'Raah Record' tlangzarh

Yash Raj Film (YRF) chuan film soundtrack pawn lama India music vawrh larna leh artist thar chher chhuahna tur record label thar 'Raah Records' an tlangzarh. Label thar hnuaia hla hmasaber atan singer - songwriter Aman a sak "Jaadugari" chu streaming platform hrang hranga ngaihthlak theih turin vawiin hian an tlangzarh nghal dawn bawk.

YRF hi India-a mimal enkawl entertainment studio lian ber pawl niin, Raah Records hi creative partnership anga kalpui a ni dawn a; tihdan phung pangngai anga label tihchhuah tam lam aiin artist lar thar tur chher chhuahna tura ruahman a ni thung. Label thar hmang hian artist-te inremna neih puiin, khawvel hmaah an talent-te huang zau zawkin a pholansak thei dawn a ni. He record label thar hmang hian YRF chuan music industry lamah huang an zauh theih phah dawn tih CEO Akshaye Widhani chuan a tarlang.