Brezza car thar pahnih tlangzarh

G.I.G Motors Arena Showroom, Edentharah Brezza car thar - 1.5L K15C 6AT Smart Hybrid leh, 1.0L Turbo BoosterJet 6MT Smart Hybrid-te chu nimin khan Aizawl SP Zosangliana'n a tlangzarh. Brezza 1.5L K15C 6AT Smart Hybrid hnuaiah hian variant panga awmin, on-road price chu Rs 11,48,267 - Rs 14,73,958 inkar a ni a; 1.0L Turbo BoosterJet 6MT Smart Hybrid hnuaiah hian variant paruk a awm thung a, on-road price Rs 8,05,366 - Rs 12,25,860 inkar a ni.

Khuallian Zosangliana chuan fimkhur loh avanga thihna hial thlen thei lirtheia chetsualna eng emaw zat a thlen tawh thu sawiin, lirthei khalhtute chu traffic dante zawma, fimkhur taka lirthei khalh thin turin a chah. Khuallian hian booking ti sa mi pahnih hnenah Brezza thar chabi a hlan nghal bawk.