Singapore-ah Massive Attack Duo ban

Musical band Massive Attack member pahnihte chu Singapore-a concert an neihnaah, Palestinian flag an pholan avangin Singapore-a lut thei tawh lo tura hrem an ni tih Singapore Police Force leh, Infocomm Media Development Authority (IMDA)-te chuan an tarlang.

Thuchhuah an siamah, July 29-a The Star Theatre-a show an neihnaah band member pahnihte hi politics lam thlawpna leh foreign flag an pholan avanga chhuichian an nih thu an tarlang. Attorney-General Chamber-te nena inrawnkhawmna an neih hnuah, police-te chuan Foreign National Emblems Section 3 (Control of Display) Act 1949 leh Section 16 Public Order Act hmanga hrem an ni tih an tarlang. An pahnih hian Singapore-a luh khap an ni.

Singapore hian phalna nei loa ramdang flag leh emblem vantlang hmaa pholan chungchangah khapna dan khauh tak a siam a ni. Thuneitute chuan Singapore-a hnam leh sakhaw ralmuanna tichhe thei thilte chu khap a nih thu leh, foreigner-te pawh ram dang politics chhawm lut lo turin an ngen.