August 6-ah 'Billie Eilish - Hit Me Hard And Soft: The Tour (Live)'

Paramount+ chuan 'Billie Eilish - Hit Me Hard And Soft: The Tour (Live)' chu streaming service-ah premiere a ni dawn tih an puang. He concert movie hi kumin May 8 khan theatre-ah tlangzarh a ni a, United States leh Canada-ah USD mtd 10 a la lut tawh a, khawvel pumah USD mtd 27 a la lut tawh bawk.

Concert film hi headline tour a neih naa shoot a ni a, project hi Eilish concert film pathumna a ni. Performance-te hi arena pahniha show a neih aṭanga lak a ni a, pakhat zawk hi England-a Manchester niin, pakhat hi Arizona-a Phoenix-a show a neih aṭanga lak a ni. Concert film hi Eilish leh James Cameron-ten an direct a ni. Producer zingah Cameron, Eilish, Maria Wilhelm, John Brooks, Geoff Burdick, Paul Clarke leh midang eng emaw zat an tel.

Eilish hian kum 2021 khan a concert film hmasa ber, 'Happier Than Ever: A Love Letter to Los Angeles' tih tlangzarhin, kum 2023 khan 'Billie Eilish: Live at the O2' tih tihchhuah leh a ni.