Lehkhabu bawm: 'Hmanlai Mizo Thawnthu' lehkhabu tlangzarh

Neuhof English Medium School lehkhabu siam, 'Hmanlai Mizo Thawnthu' Vol. 1, 2 leh 3 chu minister B.Lalchhanzova'n July 29 khan a office-ah a tlangzarh. Tlangzarh inkhawmah hian Neuhof School Faculty-te bakah, 2025 Mizoram Book of the year 'Kham leh Suar' ziaktu Lalrammawia Ngente-te an tel a ni.

Minister chuan Mizo thawnthu hrang hrang lawrkhawm tihchhuah thar a ni chu lawmawm a tih thu leh, ṭhangthar ten hetiang thawnthu ṭha tak tak kan neihte chhiar tur an nei ta chu lawmawm a tih thu a sawi. Mizote folklore lama kan duai bik loh zia a pholan mai bakah literature lama hmasawnna a awm zel theihna tura Neuhof English Medium School-in lehkhabu an buatsaih chu lawmawm a tih thu a sawi bawk.

Lalrammawia Ngente chuan lehkhabu thlirna hun hmangin, Mizoten thawnthu tawi kan neih ṭha tak tak pholan a ni thei ta chu lawmawm tih thu leh, helama ṭhangtharten inchhiarzauna tur an nei ta chu vannei a tih thu a sawi bawk a ni.