Starz leh Crunchyroll-te Prime Video-a discounted bundle thar atan thawk dun

Streaming platforn kaltlanga movie leh series hrang hrang en ṭhintute tan thu lawmawm a awm leh ta; American network Starz leh anime platform lar Crunchyroll-te thawk dun chuan Amazon Prime Video kaltlangin discounted bundle thar an tlangzarh ta. He bundle hi thla khatah USD 16.99 man niin, a hranga lei aiin 23% in a tlawm zawk.

He thawh dunna hnuaiah hian Starz-a show lar 'Power' franchise, 'Outlander' leh 'Fightland' te mai bakah, Crunchyroll-a ṭhalai ten an duh em em anime lar 'Dragon Ball', 'Naruto' leh 'My Hero Academia' te chu en theih turin a huam tel vek dawn a ni.

Anime leh drama ngainatu ṭhalaite tan platform hrang hranga in register buai ngai loin, Prime Video kaltlangin ennawm chitin reng kim leh awlsam takin a en theih tawh dawn. Streaming company pahnih hotute chuan ṭhalaite tana entertainment awlsam leh man tlawm zawka chhawp chhuah chu an thil tum ber a ni tih an tarlang.