Ariana Grande-i'n hacker-te lakah thubuai theh lut

American singer-songwriter leh actress, Ariana Grande chuan a recording session leh music video footage la tlangzarh loh tichhuaktu, an hming tarlan loh hacker-te lakah thubuai a theh lut. He thubuai hi Thawhṭanni khan Los Angeles-ah theh luh a ni.

Thubuai theh luhah hian an hming tarlan loh John Does pawl pakhat chu phishing scam leh hacking scheme hmanga content la tlangzarh loh tihchhuah leh phalna nei loa thehdarh bakah, hlawkna tela puh an ni. Grande legal team chuan he dan bawhchhiatna hi tarlangin, hacker-te chuan Grande thawhpui photographer-te leh producer-te personal digital account chu target in, hemi hnuah data leh content chu man to taka an hralh thu an sawi. Hei bakah thubuai theh luhah hian kum 2024-a hacker-ten Gmail account leh domain name an siam hmangin, Grande thlalak tihchhuah loh chu digital technician-te an in thawn tir tih an tarlang bawk.