Indian artist-in LEGO hmangin Guinness World Record siam

Indian artist Ritam Bhatnagar chuan LEGO bricks nuai 7.38 lai hmanga khawvela LEGO mosaic lian ber siamin Guinness World Record thar a siam. A thil siam puitlin nan hian darkar 2,100 zet a hmang a ni. He record, "Largest LEGO Mosaic (Multiple Panels)" tiha hming vuah hi Mumbai, Ghatkopar-a R City Mall-a LEGO Store hawnna pualin mipui hmaah pholan a ni.

Ritam hi milar, IFP (Indian Film Project) dintu leh TEDx speaker ni bawk a ni. Instagram-ah Ritam chuan he hlawhtlinna hi amah chauh tihtheih a nih loh thu sawiin, mi hrang hrang thlawpna leh puihna zar a nih thu a sawi. A nu leh pate chu a design siam leh a hmanraw lakkhawm kawnga puitu ber an nih thu a sawi. Ritam chuan hmalam hunah LEGO hmanga lem siam ropui zawk leh mi dangte barakhaih thei tur thil thar danglam tak siam chhunzawm zel a tum thu a tarlang.