Shakira leh Burna Boy WC hla 'Dai Dai' in Billboard Hot 100-ah record thar siam

FIFA World Cup 2026 hla pui, Shakira leh Nigerian afrobeats star Burna Boy te sak 'Dai Dai' chuan Billboard Hot 100 chart-ah No. 17 thlengin, FIFA World Cup hla pui zinga Billboard Hot 100-a thleng sang thei ber record a siam.

'Dai Dai' hi Billboard Global 200 leh Billboard Global Excl. U.S. chart-ah te pawh No 1 niin, khawvel hmun hrang hrangah a lar chho hle. World Cup hla pui zinga Billboard Global chart pahniha pakhatna hauh thei hmasa ber nihna a hauh bawk.

He hla hlawhtling tak hian kar khat chhungin khawvel pumah on-demand stream maktaduai 94.3 zet a nei a, Shakira tan Billboard Hot 100 Top 40 chhunga a hla a lang thei 13-na a ni a; Burna Boy tan pawh a hla hit pahnihna leh lead artist a nihna anga Top 40-a a luhna awmchhun a ni ve bawk.