'Ghost Rider' movie-ah Ryan Gosling

Canadian actor 'Project Hail Mary' star, Ryan Gosling chuan Marvel Cinematic Universe huangah zuang lutin, 'Ghost Rider' standalone movie tharah a chang dawn tih Marvel Studios executive, Kevin Feige chuan San Diego Comic Con-ah a puang. Film hi Shawn Levy chuan a direct dawn a, kum 2028-a tlangzarh tura ruahman a ni. Sony movie pahniha Nicolas Cage-a'n fiery motorcycle rider lem a chan hnuah, Gosling hi Spirit of Vengeance lema chang pahnihna a ni dawn a ni.

Director Levy hi Marvel khawvelah a mikhual lo hle a, 'Deadpool & Wolverine' film-ah khan director a lo ni tawh bawk. Tunhnai khan Gosling nen hian 'Star Wars: Starfighter' ah thawkdunin, Levy chu director niin Gosling hi a chang bawk a ni. Film hi nakkum May 28-ah tlangzarh a ni ang. Gosling hi nakkuma tihchhuah tur Star Wars universe 'Starfighter' spinoff-ah a chang bawk ang.