Green Day frontman Billie Joe Armstrong signature guitar amp tlangzarh

Punk rock band lar Green Day frontman Billie Joe Armstrong-a signature guitar amplifier thar '1959BJA Billie Joe Armstrong Artist Signature' chu Marshall company chuan official-in an tlangzarh ta. He amp thar rual hian limited-edition 'Radiant Red Epiphone Billie Joe Armstrong Les Paul Junior' a tlangzarh tel a ni. Amp hi Marshall-in kum 14 chhunga artist signature amp a siam chhuah leh hmasak ber a ni.

He 100-watt amplifier hi Green Day album lar 'Dookie' (1994) hun laia Billie Joe-a guitar awm thin zia leh tone entawn a siam a ni. Billie-a guitār hmasa ber 'Blue' entawnin amp pawn lam pang hi a pawl dal 'baby-blue' rawnga cheimawi a ni a, a hma leh hnungah Billie Joe-a signature nemkai brass/silver panel mawi tak chuantir a ni bawk.UK-a kut ngeia siam he amplifier hi USD 3,999.99 mana hralh tur a ni a; Billie Joe chuan, "Ka zai ṭan tirh aṭanga ka ngaihsan ṭhin Marshall amp ngeiah keima pual signature amp ka nei thei hi ka hlim kher mai," tiin a sawi.