Charli xcx-i'n album tlangzarh

British singer-songwriter leh actress, Charli xcx chuan nimin khan a album thar 'Music, Fashion, Film' a tlangzarh. Charli album tharah hian hla 11 a awm a, chung zingah chuan tun hnaia single a tihchhuah 'Camera', 'SS26', 'Rock Music' leh 'Wink Wink' te pawh an tel.

Kumin July thla tir lam khan Charli hian New York City leh London-ah a fan-te tan album aṭanga hla thlan bik perform na hun, underplay show a lo nei tawh bawk. Album a tihchhuah hmang hian North America arena tour a nei dawn a, September 11 hian Philadelphia-ah khuh hawn tur niin, Brooklyn, Toronto, Los Angeles leh las Vegas-ah te a perform chhunzawm dawn a ni. Charli hian kum 2024 June thla khan a album, 'Brat' tichhuakin, Billboard 200-ah No.3 a nihpui bakah, Grammy-ah award pathum a dawng bawk.