72nd National Film Awards endiktu zingah Mizo pa Napoleon R.Z. Thanga

Sorkar laipui hmalaknaa India rama film leh movie hrang hrang siamtute hnena a chawimawina hlan ṭhin, 72nd National Film Awards winner-te chu Inrinni liam ta khan puan niin, he awards hlawhtlinna tura film hrang hrang endiktu zingah Mizo pa, filmmaker Napoleon R.Z. Thanga chu jury 11 zingah a tel. Nikuma Indian Panorama film festival-ah khan jury member zingah a lo tel tawh bawk a ni.

National Awards 2026 jury member-te hian chairperson, Malayalam filmmaker Jayaraj kaihhruainain film endik hna hi an thawk a ni. Kum 2024 chhunga film chhuak censor vek 400 chuang a lut a, chhawng khatna endik hnuah film ṭha thlansa aṭangin jury-te hian award dawng tur hi an thlang leh a ni. Hetiang dinhmun pawimawh, ram chhunga chawimawina ngaihhlut thlang chhuakte zingah Mizo pa ngei, Napoleon chu hi a tel a ni. Awards hi September thlaah President-in a a hlan ang.