Yeonjun 'Ice Cream' collaboration dessert hralh hnem

South Korean boy band TXT member, Yeonjun chuan a solo track 'Ice Cream' collaboration dessert a hralh chhuak hnem hle. He dessert 'Sour Lemon Yogurt' cup tih hi July 16 khan zawrh chhuah ṭan a ni a, unit 40,000 hralh chhuah niin, kumin chhunga K-pop artist zinga collaboration product hralh chhuak hnem ber record a siam.

Dessert hi convenience store lian GS25, premium dessert brand Yoajeong leh dessert siamtu Roromelo-te nen an thawh hona hnuaia siam a ni. Dessert hi Yeonjun-a mini-album pahnihna, 'NO LABELS: PART 02' title track 'Ice Cream' tih hmanga siam a ni a, mini photo card leh random sticker-te dah tel a ni. 'Sour Lemon Yogurt' hi GS25 store hrang hrangah hralh a kal hle a, hun rei lote chhungin unit 40,000 an hralh chhuak thei. He hlawhtlinna avang hian product dang siam belh niin, fan-te chuan vawiin July 21 aṭang hian dessert bar-shape version an lei leh thei dawn a ni.