Netflix-in Ben Affleck AI Startup InterPositive lei

Netflix chuan American actor leh filmmaker, Ben Affleck-a AI startup InterPositive chu USD mtd 587 in a lei. Company-in Securities and Exchange Commission nen Form 10-Q report an siamah, Netflix chuan March thla khan InterPositive hi an lei tih an tarlang.

Netflix hian kum 2022-a Affleck-a din startup hi leiin, stealth mode-in an kalpui a ni. InterPositive-a engineer, researcher leh creator team 16 awmna pawh lei nghal niin, Affleck hian Netflix-ah senior adviser hna a chelh zui bawk a ni. Company hian filmmaker-te chu post-production-a an hnathawh hrang hrang; mixing, relighting shots leh visual effect-ahte AI hman ṭangkai an remtih sak a ni.

Netflix co-CEO Ted Sarandos chuan generative AI hmanrua an hman ṭangkai thu leh, InterPositive nen an thawh hona hmangin kumin chhunga film title 300 vel chu AI hmanga siam a ni tih a sawi bawk. AI chuan mihring thiam leh theihna a luahlan loh thu leh, movie-te chu mihring siam a ni a, AI chuan hmanraw ṭha zawk hmangin film siam kawngah a pui tih Sarandos chuan a sawi bawk a ni.