Miami-ah Andrew leh Tristan Tate man

Social media influencer Andrew leh Tristan Tate-te unau chu Inrinni chawhnu lam khan Miami-ah man an ni a, an man chhan erawh mipui hriatah puan zar a ni lo. Hei hi an unaua man an tawh vawi khatna a ni tawh loa, kum 2022 khan Romania-ah anti-terrorism thuneitute chuan mihring hralh rukna leh pawngsual thubuaiah an lo man tawh a ni.

Andrew Tate chuan an puhnate chu thu belhchian dawl lo a nih thu sawiin, kum 2023-a house arrest aṭanga chhuah zalen a nih hnuah, tihsual an neih loh thu leh Romanian judicial system-in thutlukna diktak a siam avanga chhuah zalen an nih thu thuthar lakhawmtute a hrilh. Romanian court hian chhuah zalen mahse, an puhnaah hian chhui zui zel a ni thung. Kum 2025 khan Bristish prosecutor-te chuan Andrew leh Tristan Tate-te lakah hian thubuai 21 an siam a, chung zingah chuan pawngsual, mi dang tihduhdah leh mihring hralhruknate pawh a tel. Andrew Tate hi thubuai 10 siamsak niin, Tristan Tate hi thubuai 11 siamsak a ni bawk.

Tate-te unau hi social media kaltlanga hausakna, mipa chungnunna leh hmeichhe huatna theh lar ṭhin niin, influencer zingah mi inhnialpui hlawh ber zingah an tel. Mahse an puhna hi phain, hmeichhe hmuhsitna leh tharum thawh lam an sawite pawh fiamthu mai a ni tiin an sawi ve thung.