Day Time Emmys nomination puang

Khawvel huapa TV show leh drama ṭhate chawimawina, 'Daytime Emmy Awards 2026' nominee chu puan a ni ta. Kumin hi he awards an sem vawi 53 a ni dawn a, boruak pawh a lian hle tura rin a ni. Awards semna hun hi October 30 hian Los Angeles-ah neih a ni ang.

Awards sem tur ngaihhlut hlawh zinga mi, 'Male Best Lead Actor' nomination-ah 'General Hospital' star Steve Burton leh 'The Young and the Restless' star Eric Braeden te an inhmachhawn dawn. Hetih laiin Day Time Emmy nomination zawng zawng hi puan kim a la ni lo a, puan tawh chinah erawh The View leh The Kelly Clarkson Show te chu talk series leh talk host aṭanga nomination hmu tam zualte an ni.

Kumin hian rules thar hman a ni a, a vawikhatna atan season pumpui ni loin episode mal thlan chhuah hmanga inelna kalpui a ni dawn a, hei hi primetime emmy kalhmang ang niin category tam zawkah show pakhat hian nomination a hmuh theih phah dawn a ni. New York-based National Academy of Television Arts & Sciences ten chhun lama pek chhuah drama, talk series, entertainment news leh show hrang hrangte aṭangin award dawng tur hi an thlang ṭhin a ni.