Pitbull-a leh a fan-te'n Guinness World Record siam

Rapper lar Pitbull chuan London-a Hyde Park-a neih 'British Summer Time' (BST) music festival a headline-naah Guinness World Record thar a fante nen an siam. PitBull a lukawlh lem angin a fan 22,141 zetin bald cap an vuah a, hei hi a ruala lukawlh lem vuah tam ber record a ni ta a ni.

Record thar siam hi 'largest gathering of people wearing bald caps' tih a ni a, official-in mi mal tinte an endik hnuah lawmman hi hlan an ni. Pitbull pawh 'lu kawlh kal khawm hnem ber' ni loa 'lu kawlh lem vuah pung khawm hnem ber' tih a nih miau avangin amah ngei pawh hian lu kawlh lem hi a vuah ve nghe nghe.

A hmunah hian volunteer 400 velin mipuite an endik a, drone hmanga endiktu mi 42-te nen uluk taka chhiar an ni. Pitbull chuan lawmthu sawiin, London mipui leh a fan-te chungah a lawm takzet tih a sawi.