Lehkhabu bawm : CM hlui Zoramthanga lehkhabu 'Guerilla Fighter aṭangin Chief Minister' tlangzarh

MNF President, Mizoram chief minister hlui Zoramthanga lehkhabu buatsaih, 'Guerilla Fighter aṭangin Chief Minister' tih chu nimin July 13, 2026; a piancham ni ah Mizo Hnam Runah tlangzarh a ni.

Lehkhabu hi deputy chief minister hlui, Tawnluia'n a tlangzarh a; Dr. Zoramdinthara Associate Professor & Head of Department, Mizo department, MZU in lehkhabu thlirlawkna hun a hmang.

'Guerilla Fighter aṭangin Chief Minister' hi a hmain sapṭawnga tihchhuah tawh a ni. Lehkhabu buatsaihtu, Zoramthanga chuan a beisei phak bakin Mizoram chhung mai ni lo, ram pawn lam thlenga an hlutsak chu lawmawm a tih thu a sawi. Ṭhangthar lo awm zel tur tan Mizo hnam movement chanchin mamawh lakkhawm theihna tur, 'Mizo Hnam Movement Dictionary' ṭangkai tak a nih ngei a beisei thu a sawi bawk. A lehkhabu chu a taka a paltlang thudik tak, a experience aṭanga a ziah a nih thu a sawi.