SEVENTEEN unit V8-in tour hmasa ber nei

South Korean boyband Seventeen member, The 8 leh Vernon-te awmna V8 unit chuan an unit tour hmasa ber '2026 VERNON THE 8 [V8] LIVE - GOYANG' concert chu KINTEX Exhibition Center 1 ah July 11 leh 12 khan an nei a, mipui 15,000 vel an pung khawm. Event hi ram 63-ah fan-te tan live-stream a ni bawk.

Concert hi SEVENTEEN unit-in all-standing show an neihna hmasa ber a ni a, The 8 leh Vernon-te hi minute 150 chhung an perform a ni. Unit tour-ah hian an mini-album hmasa ber 'V8' aṭanga an hlate leh SEVENTEEN group hla bakah, solo material la tlangzarh lohte pawh an perform. Hla an perform zingah hian 'Friend', 'girlsnboys' leh '54321 (Lift Off)' bakah Pharell Williams-a produce 'Bad Influence' leh 'HIT' te an tel a, The 8 chuan DJ performance a nei bawk a ni.

Member pahnihte hian an solo hla an sa ve ve a, Vernon hian 'Mia' leh 'Shining Star (Vernon Solo) bakah hla la tlangzarh loh 'Get Me Off' leh 'I'LL BE BACK' te a perform a ni. The 8 hian 'AWAKE', '8DM', 'Skyfall (THE 8 Solo) leh 'Love is gone' te perform bawk. July 17 aṭanga 19 thleng Hong Kong-a AsiaWorld-Expo Hall-ah show an neih chhunzawm ang.